Ha iwi i jia tyrrah kari ynne i step heipor kamwa 8:30 iwa da jia ha Umling, Ri-Bhoi District, kawi ka kari Swift Dzire da tyrrah ko markhmat wa kawi ka thuk-thuk heiwa da mynsoo ar ngut.
Kani ka thuk-thuk toh kawa wan neiliang Guwahati wei ka kynthai kawa chong hadien da mynsoo joor ko.
Katkam wa da yoh khubor, kani ka kari Swift Dzire toh kawa em Number AS-01GE-8208 wei kawa pynemkaam da u Co-Chairman ka State Planning Board Meghalaya kawa dang wan na Shillong wei da lai ko na ka Wrong Side wei mar ya poi ha chnong Umling da lai tyrrah ko ya kani ka thuk-thuk kawa em ya u Number AS-01-DM-7984 hadooh mynsoo ki ar ngut kiwa chong ha ka thuk-thuk heiwa ka kynthai kawa chong hadien da mynsoo joor ko.
Ya kini kiwa mynsoo da pynkit wut-wut cha Civil Hospital Nongpoh yow yoh yei sumaar wei neiliang ki pulit ka Nongpoh dang pynman ki yei takit hajrong ini wa jia.
Discussion about this post