Ka United Democratic Party (UDP) ryngkat wa ki kattu katni ngut kiwa yahkhmat chnong ynne ka sngi da yachem ki ya u Montri Rangbah ka jylla, u Conrad K Sangma neibynta wow pynemkaam ya i thaw ka PWD wa em ha Barik neibynta i myntoi liang wanang.
Neiliang u Conrad da ong u wa ka sorkar kwah pynemkam ko ya ini i thaw neibynta ki paidbah hajrong i thmu wow yarap ya kiwa boon wa lang khamtam wow pynlait nei khynnia kari ka Shillong wei wow pynmiat ya ka sor deiwa ong leh wa i thmu toh wow kyntu kynrong yei khayi pateiñ.
Neiliang u Bindo M Lanong da ong u wa ha i yachem wa ka sorkar da pynsñiaw wa emkaam wow chna ya iwon iwon wow pyndam yei eh i khoo ki paidbah ha Shillong, khamtam wow pynlait nei khynñia ki sarok.
U Jemino nawon da ong u wa u Conrad da pynsñiaw u yei emkaam wow pynkylla dur ya kani ka thaw du neibynta wow pynkyllooid ya ka sor wei wa ka sorkar da pynkhreh ko leh kammon wow leh ya ini i thaw neibynta ki paidbah.
Chooh chooh u Jemino da ong u leh wa ka sorkar da toh u chim ko ya kani ka laad wow pynemkaam heitæ i dur wow pynduna i chah ktah ki paidbah wei wow pynman leh ya ka thaw kam kawa miat khnang wow riñ ya ki bru wa wan na baar jylla.
