Ka Voice of the People Party da beiñ wei da kyntait ko yei pynbaad uwa yahkhmat ka NPP, u Pyniaid Sing Syiem wa ka Party da pynthut ko ya ka yalang paidbah yong ka NPP deiwa ong wa kini waroh toh ki klam thok i wym yatoh wa iwa jia tang kajiak leh. Kam ka Party da dawa ko wa toh u sai ki sakhi wa ki sabut wa kitu kiwa wan wow kbai “Ha u Prah” toh ki dkhot yong ka Party næ toh kiwa da phah da ka Party.
Ka VPP da ong ko leh wa sñiawsih wow yoo wa du neiwa wa em wa kbai “Ha u Prah” da uwi næ ar ngut ki bru ki wym tip wa wan neiwon da poi chadooh wow chah tba kti. Kamtæ da dawa wa kitu kiwa emkti wow tba kti ya kitu ki bru paidbah wa toh u pynchitom ki katkam ki kyndon yong ka aiñ.
Chooh chooh da ong wa iwa leh kiwa yahkhmat ka NPP kiwa em ha katu ka thaw pynyoo yei dukha mynsien yong ki wei man khynnah ki wym ye u pyn jai-jai du ya kam itu wa jia wa khian wei iwa da booh hei maa chooh chooh toh yei e hukum uwa yahkhmat ka NPP wow kem khlem da bood ya ki kyndon ka aiñ ya kitu ki paidbah kiwa kbai yei pyrtuid ka Party.
Kam ka Party da kyntu joor ya kiwa kyrchaan yong ka wym toh u lai kbai yei pyrtuid u Prah pyrchah ya kiwon kiwon kiwa yahkhmat yong kiwi won ki seiñ saiñ pyrthai kiwa ym em yoosuk ki wei wow ksoh ya ka akor wa bha.
Da pynkynmoo leh wa i tput wa khroo tam toh ha ka sngi thap Vote wei emkaam ya kiwa kyrchaan ka Party wow man ki kiwa paitbniah yow lait nei chah pyndooh burom ka Party ha kiwa da em ya kani ka thong.
Discussion about this post