Shillong: Ka Garo Hills Autonomous District Council (GHADC) ym pdiang ko ya ka yakhih wym yoh tulop yong ki wakreh ka wow sdang nadooh ka 26 tarik uni u bnai neidaw wa dooh tulop.
Ynne ka sngi ki MDC ka GHADC ki wym toh ki dkhot ha ka Executive Committee, kitæ u Chairman warim, u Metrinson G Momin wa u Chairman wa katni u Denang T Sangma wa sa uwi u MDC, u Levastone T Sangma da yachem ki wa kiwa yahkhmat ka Council wa ki wakreh wow kyntu ya ki wow dam chwa ka yakhih ka wow sdang myntsep ka sngi ka 26 tarik.
Kini ki MDC da pynsñiaw ki leh yei eh wow pynyoh poisa wa i chitom poisa ka Council deiwa kyntu ya ki wakreh wym man u lai ki cha khmat ya ka yakhih.
Hanlada kiwa yahkhmat ka GHADC dang chong pyrkhat ki yeiwa kyntu kini ki MDC tangwa ym pu ye u chim ya ka luti wow lai cha khmat wa dang em chwa ka yalang wa heh ki wakreh waroh ynne ka sngi wow chim ya ka rai.
“Da man ko ka yalang neibynta i bha ya waroh ki wakreh wa kiwa yahkhmat wei ynne ka sngi da yaklam ha ka yalang ka Executive Committee wei da pyntip i leh ya ki laad ki luti wow chim wow yarap ya ka Council wow yoh poisa. Ka council da booh ko leh boon tylli ki phang hajrong ka yoh ka kot ka GHADC,” da ong u Metrinson G Momin hadien wa yachem wa ki wakreh.
Discussion about this post