Tura : Ka dhab ki seiñbhalang na ri-loom Garo wa kynthup ya ka Garo Students Union, ka A’chik Youth Welfare Organisation, ka Federation of A’chik Freedom Association for Democracy and Empowerment, ka Garo Hills State Movement Demand Committee da rai ki wow kyntu ya waroh ki dukan hapoh Tura yow man ki kiwa khang ha ka 19 tarik uni u bnai nadooh 5 waje i step hadooh 5 waje i janmiet.
Ya kani ka rai da chim kam ka dak wow pynrem yei yap uwi u khynroo Sengat N. Sangma ha Tura ha ka 13 tarik hadien wa chah dat u chirup wa ar ngut ki lok ki yong oo ha i thaw wa tip kam i Rishipara, Tura.
Kini ki seiñbhalang da kyntu ki ya u DC ka West Garo Hills u Pravin Bakshi yow chimkhia yeini i kaam deiwa kem noh ya 7 ngut kiwa emkti heini iwa da jia wei wow pynchitom ya ki.
Heijooh i por da kyntu yow pynchitom ya ki doctor wa em duty uwa da sumaar ya uni u khynroo uwa da yap, neibhah ym em u chimkhia u wow sumaar bha ya oo hadooh wa yap u.
U Sengat N. Sangma toh uwa dang 16 snem i rta, wei da kyntu leh na ka sorkar yow takit ki ya ki pulit kiwa da booh ya ki le ngut ha thanat heithaw wow libooh ya ki cha jar jiar ki yung yong ki.
Also Read : Yap uwa 16 snem hadien wa chah dat u
Discussion about this post