Shillong: U montri kaam pohyung ka jylla, u Lahkmen Rymbui da ong u wa waroh kiwa yahkhmat niam na ki balang wa kiwi ki jaitngait waphær waphær da pynsñiaw ki wa ka sorkar da chimkhia ko yei kwah ki paidbah deiwa wanrah ya ka Resolution ha ka yung dorbar wow dawa pynkrehkaam ya ka Inner Line Permit ha kani ka jylla.
Hawa klam hadien ka yalang wa da khut da ka Deputy Commissioner ya ki seiñ niam, u Rymbui da pyntip u wa kini ki seiñ da kyntu ki leh ya ka sorkar wa toh u chimkhia u pynkrehkaam noh ya ka ILP ha kani ka jylla deiwa pynbor ya ka sorkar India wow mynjur noh ya ini i emkaam yong ka jylla khnang wa i chong suk u wanbiang i, nalor ini da kyntu ki leh ya ka sorkar wow paitbniah leh ya ki aiñ wa pynkrehkaam neibynta wow yada ya ka jaitbru na i chah tyllep.
U Rymbui da pyntip u wa ki seiñ niam da pynsñiaw ki leh ya i sñiawkhia neibynta kiwa yaleh Exam waphær waphær kiwa da chah ktah nei wym em ka suk ka saiñ ha ka nongbah Shillong wa kiwi ki thaw.
Da pyntip u wa ka rai wa da chim ha kani ka yalang toh wa ka sorkar toh u khut ko ya kam kani ka yachem na ki por cha ki por yow sñiawthooh yei emkaam ki paidbah, yow ye ko u bichaar kamjooh yow sñiaw ya kiwon kiwon ki eh ha ka jylla, u pynbor ya ka sorkar India wow pynkrehkaam ya ka ILP, i sñiaw yaphær jaitbru ym toh u em ko wei ka aiñ ym toh u noh chilliang ko.
Discussion about this post