Shillong: U montri rangbah ka jylla, u Conrad K. Sangma ynne da wai u ya ka Medical Seminar cum Continuing Medical Education wa pynman da ka Composite Hospital BSF Shillong.
Hawa e i klam ha kani ka sngi, u Conrad da klam u hajrong i emkaam wow yakrehlang wow pynmiat ya i chait i khiah hapoh jylla deiwa e yaroh ya ka BSF wada pynman ko ya kam kani ka programme wow pyntoh pyntne yei emkaam i sumaar hapyrdi ki paidbah khamtam kiwa sah ha ki thaaiñ nongkyndong wa ki thaaiñ khappood.
Da ong u wa ka BSF man ko leh kam ka ‘Border Security Friend’, u Conrad da yaroh u ya ki kaam wada leh kani ka tnat chipai yada ri kawa pyntikna leh wa ki paidbah yoh ki yei chait i khiah deiwa kyntu ya ki wow pynman ya kam kani ka e sumaar mynkna ha ki nongkyndong wa ki chnong khappood ka ri.
Heijooh i por da kyntu u ya kani ka tnat chipai wow pynsñiawthooh ya ki paidbah yeiwa emkaam wow yada ya ka rymaw.
Da pynsñiaw u leh yei mynsien wa khia hajrong i pynemkaam ya ki dawai wa sih wow pynneh ya ki dakha wa ki soh heiwa da e nongmuna u ya ki jylla Nagaland wa Arunachal Pradesh kiwa da khang yei wanrah ya ki dakha na baar jylla.
Discussion about this post