Kyntu u Conrad wow yakrehlang wa ka sorkar heiyatoh wa i dawa ILP

Jowai: U montri rangbah ka jylla, u Conrad Sangma ynne ka sngi hawa yaklam wa kiwa pathai khubor ha Jowai khamtam hajrong i thoh ya ki kyntien ha ki chram wow pynsñiaw yei pyrchah hajrong i wym pdiang ka sorkar pyrdi ya ka ILP, da ong u wa ki seiñbhalang toh u sñiawthooh wei toh u hun ki wa ka sorkar jylla ym em u chong kli-kti ko.

Da ong u leh wa ka sorkar da chim ko ya ka rai yonglang ha ka dorbar chna aiñ ka jylla yei emkaam ya ka ILP wei man ko kawa smat wow pdiang yei e yumut hajrong kani ka phang.

Da ong u leh wa ki montri ka sorkar jylla da pynkhreh ki wow lai yachem ya u montri ka kaam pohyung ka sorkar pyrdi, u Amit Shah wei ye u leh wow khut yaklam ya ki ha iwin iwon i por.

U Conrad da ong u wa lada emkaam daw yachem leh wot ya u Montri Rangbahdooh ka ri India, u Narendra Modi hajrong kani ka kaam.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Chooh chooh da ong u wa ki paidbah toh u kmen ki neibhah wa ka sorkar jylla da leh ko katwa ye ha i bor yong ka wow pyntikna wa yoh ya ini iwa da dawa hapoh jylla.

Neiliang u Conrad da kyntu u leh ya waroh wow yakrehlang wa ka sorkar khnang wow ye u poi ha ka thong wei wow yoh ya u soh i jop hajrong kani ka kaam.