Kyntu u Conrad ya ki khynroo khyllood wow saiñdur ya ka ri waroh kawi

Shillong: U MP ka Tura u Conrad K. Sangma da khut u neibynta wow saiñdur bha ya ki khynroo khyllood ka ri India kiwa ym duna ya ka 25 million ngut.

Hawa ya phyllu yumut hajrong ka phang, “Cross Border Connectivity and Inclusiveness Growth: Possibilities and Challenges with Special Reference to North East”, kawa pynman da ka Shillong College ynne ka sngi, u Conrad da ong u wa i khlan wa i ku ka ri chong ko wa kammon pynwan dur i ya ka mynried.

Ka Shillong College da pynman ko ya kani ka phyllu yumut kam chibynta wow pynkut ya ka leh kmen dap 60 snem ka College.

“Ka India, i spah yong ka toh hei boon ki khynroo khyllood kiwa em kamwa 25 million ngut tangwa lada ym pyrkhat wa kammon u saiñdur ya ki daw sepai ini i khlan ka ri kamjooh leh ka ri waroh kawi ym ye ko u ku cha khmat,” da ong u Conrad.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Conrad da ong u wa emkaam wow thooh ya ki laad puræ puthi wa boon jait wa yatoh wa ki sap ki khynroo khyllood wei ye u krehlang wa kiwi ki skurbah yong kiwi ki ri kamwa leh ka Australia.

Heijooh i por leh da ong u wa ka ri wa ka imlang sahlang toh u khyrngiat noh ki wow pyrkhat ya ka rymaw kawa ktah ya ka pyrthai waroh kawi wei daw sepai ka roi ka paar lada ym syndong i yeiwa da e ka Bei Rymaw ya i.

Da e nongmuna u yei joor ka chlai um, i raw um wa kiwi wa kylla ha ka pyrthai kiwa da ktah joor ya waroh.

Ha iwi tawon i liang, u Conrad da pynsñiaw u yei sniawsih u hawa pait u yei sih ki luti ki syngkieñ ha kani ki jylla ka thaiñ mihsngi iwa man iwa sahdien bha hapoh ka ri.

(Feature Image-File Photo)