U Montri Rangbah ka jylla, u Conrad K. Sangma ynne da kyntu u ya ki sahep kiwa dang dep wot u chah jied hapoh ka Meghalaya Civil Service (MCS), 2021 wow em ki ka thong hawa kreh ki neibynta i bha i miat ka jylla waroh kawi.
Ynne ka sngi da pdiang ya ki 38 ngut ki sahep MCS wa dang thymme ha ka yalang wa man ha Meghalaya Administrative Training Institute (MATI) Mawdiangdiang, Shillong.
Hawa e mynsien ya kini ki sahep, u Conrad da ong u wow kreh ki na mynsien wow chakri ya ki paidbah wa ka imlang sahlang wa ka jylla hi waroh kawi.
Hajrong i eh i khoo wa daw chem ki, u Conrad da ong u wa waroh ki sahep toh u pyrkhat jngai wei wow man ki bru kiwa chemphang.
Da ong u leh wa kam ki sahep emkaam wow booh ya ki paidbah haphrang ha ki thaw kreh wei wow kreh neibynta yong ki.
Kini ki sahep MCS daw lai chah hikai ki 6 bnai ha MATI.
Da chim ki leh ya ki kyntien kular yeiwa da yahkhmat da ka Additional Chief Secretary & Director General ka MATI ka Rebecca V. Suchiang.
