U Montri Rangbha ka jylla, u Conrad K Sangma da kyntu u ya kiwa chong chnong ka Assam wa Meghalaya wym toh u chim ki yaka aiñ ha kti heiyatoh wa iwa jia ha thaaiñ Rongmil, East Garo Hills haka 17 tarik uni u bnai heiwa da chem ya ki le ngut kiwa yap kiwa da chah thang wei chah tlep hajan ka kari ki kawa da chah thang leh.
Neiliang u Conrad da beiñ u ya kiwa emkti wow leh yeini deiwa ong leh wym em thaw ya kam kini ki bru hapoh ka imlang sahlang kiwa da tyngkheiñ syndon yei hok manbru wei toh u yatylli lang i yow beiñ ya kam kini kiwa da yap i sñiaw.
Kamtæ da kyntu u ya kiwa em ha Assam wa Meghalaya wym toh u pyrchang ki wow pynhiar tput deiwa chim hi yaka aiñ ha kti wei ymtoh wow chim kabu yow wanrah yei sñiaw yaphær jaitbru wei wow pynpoor ya ki khubor thok.
Da ong u leh wa ki pulit ha Meghalaya da chimkhia bha ki ya ini wei da pynman leh yaka takit kawa bniah wei ya kiwa emkti daw wanrah ki hakhmat ka aiñ.
Da phah u leh yei sñiawlem cha kiwa ha-yung ha-sem kiwa khlaad deiwa kular wow e yei kyrchaan ya ki kam ha kini ki por.
Discussion about this post