New Delhi: U montri rangbah ka jylla, u Conrad K. Sangma ynne da yachem u ya u montri ka sorkar pyrdi wa pait ya ka Tourism, u K.J. Alphons ha New Delhi hei emlang wa u montri ka tnat Tourism ka jylla, u Metbah Lyngdoh wa u montri ka tnat Sports ka jylla, u Banteidor Lyngdoh.
U Conrad da ekti u leh ya ka dorkhat ha u Alphons wow pynkrehkaam ya ka Swadesh Darshan Scheme hapoh Khasi, Jaiñtia wa Garo Hills wow kyntu ya ka kaam uiñke suwari hapoh ka jylla.
“Kam chibynta yong ka North East Circuit, kawa man kam chibynta na i thong ka Ministry of Tourism, ynne da tyrwa i wow kyntu kynrong ya ka kaam uiñke suwari hapoh ka jylla deiwa pynmiat ya ki luti syngkieñ,” da ong u Conrad.
Ka Ministry of Tourism da bhah ko wow kyntu ya ka kaam uiñke suwari hadooh khatle bynta kiwa kynthup ya ka North East India Circuit, Eco Circuit, Wildlife Circuit, Rural Circuit, Heritage Circuit, wa kiwi kiwi.
“Ka jylla Meghalaya man ko kawa mahajon bha ha i rukom man kyrpang ki jaitbru wei emkaam wow pynmiat pynbha yeiwa da em chwa hapoh ka jylla,” da ong u Conrad.
Da ong u wa hapoh ka Swadesh Darshan Scheme, ka sorkar thmu ko wow pynmiat pynbha ya ki kaam wa yatoh wa ka kaam uiñke suwari hapoh ka jylla.
Heijooh i por da ong u wa ka ri-loom Garo leh da toh i por wow wanrah ya ka ha ka map wow tipmit ki bru ka kam kawi na ki thaw wa miat hapoh ka jylla kawa ye ki bru wow wan uiñke.
Da ong u leh wa ka sorkar jylla thmu ko wow pynmiat wei wow pynwandur ya i rukom im ki khynroo khyllood hapoh ka jylla deiwa pynchlur ya ki wow bood ki yeiwa kwah ki kamjooh yeiwa thrang wei angnood ki.
Discussion about this post