Shillong: I pyrchang wow sai ya ki 14 ngut na ka krem mooyong ha chnong Ksan, East Jaiñtia Hills District da poi i cha ka sngi wa soo ynne ka sngi, tangwa kiwa ngam um (divers) ka National Disaster Response Force (NDRF) wa ka State Disaster Response Force (SDRF) ympu chemdien ki ya ki.
Hawa yaklam wa u Montri Rangbah, u Conrad K Sangma ynne ka sngi da ong u wa da pyrchang lut waroh ki buit wow sai ya ki na ka krem, tangwa neidaw wa ku ware ka um hadooh 70 hadooh 100 phut da chem chitom wow chem ya ki.
U Conrad da pyntip u wa hadien chisngi naka sngi wa jia ini da yaklam u wa u montri khynnah ka sorkar pyrdi u Kiren Rijiju wow kyntu ya oo wow phah chooh ya ki bru wa ki tiar ki tar wa biang yow ye u pynemkaam khnang wow ye u sai noh ya kiwa em hapoh kani ka krem.
Da pyntip u leh wa da phah ya ka NDRF wow wanrah da ki bru wa chemphang neibynta kani ka kaam, wei ka sorkar da pyrchang ko katwa ye wow ye u sai lut ya kiwa em hapoh kani ka krem mooyong.
Discussion about this post