Kyntu u Lahkmen ya ka sorkar pyrdi wow tipmit noh ya ka KNGC wow esikai ya ka kyrdan B.Ed

Shillong: U Montri ka chnat puræ puthi ka jylla, u Lahkmen Rymbui da ong u wa ka sorkar pyrdi da kular ko wow mang sa T. 314 klur neibynya ka National Institute of Technology (NIT) Sohra khnang wow ye u pynsmat ya ki kreh ha ka.

Hawa yaklam ynne ka sngi, u Lahkmen da pyntip u wa hadooh katni ka sorkar pyrdi da pynlait ko T. 165 klur tangwa kani leh ympu biang ko.

Hawa pynsñiaw yei hun mynsien hajrong ini i mang poisa ka sorkar India, u Lahkmen da ong u wa ha i yachem wa u montri ka Human Resource Development (HRD) u Ramesh Pokhriyal dang ini wadep, da e mynsien u wa ka sorkar pyrdi daw ye ko u pyndep noh ya ka NIT Sohra kamwa da angnood wei iwa emkaam bha.

Ha iwi i liang, u Lahkmen da da ong u wa da yaklam u leh wa u montri ka chnat HRD wow elaad ya ka rukom krehkaam (Policy) ka sorkar jylla Meghalaya u krehkaam ko ha i bhah wa da mang neibynta ki khynnah puræ ha NERIE, Umiam deiwa pyntip wa katkam ka kyndon krehkaam, ka Meghalaya u yoh bhah ko le tylli ha kani ka thaw puræ hanla haap ki wow yaleh ya ka Entrance Exam.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Da yaklam leh wa u montri ka sorkar pyrdi wow e bhah leh ya ka jylla ha kattu katni ki thaw puræ ka sorkar pyrdi kam ka English and Foreign Languages (EFL) wa kiwi kiwi kiwa em ha kani ka jylla.

Iwi won i bynta wa da yaklam toh wow pynsmat u tipmit ya ka Kiang Nangbah Government College (KNGC), Jowai neibynta wow pynman ya i esikai ya ka kyrdan B.Ed.

Da ong u leh wa i yaklam hajrong i wym pdiang ka National Council for Teacher Education Board, Bhopal ya ki Application yong ka Kiang Nangbah College hanla dadep pyndap pyrtuid (apply), da kyrmen u wow man kaam i hadien i booddien.