Jowai: Ynne ka sngi u MDC ka Amlarem, u GR Tariang da e dorkhat u cha u Superintending Engineer, West Jaiñtia Hills ka MeECL wow pynsñiaw yei kyrpaad ki paidbah ka 1-Amlarem Constituency.
U Tariang da ong u wa neibynta ki paidbah ka Amlarem LA Constituency, da kyrpaad u ya ka yung krehkaam ka MeECL wow pynkrehkaam noh ya ka Sub-Division ka MeECL kawa em ha Amlarem.
ADVERTISEMENT
Deini i pynkrehkaam ya kani ka thaw daw pynsuk bha ko ya ki paidbah ka thaaiñ waroh neibhah katkam wa man katni, ki paidbah haap lai ki chadooh cha Jowai wow pyndep yei kaam yong ki.
Kamtæ da kyntu u ya ki bor wa hajrong wow pynkrehkaam noh ya kani ka Sub-Division kawa da em chwa ha Amlarem khnang wow myntoi ki paidbah.
