Ynne ka sngi u President ka Russia, u Vladimir Putin da yaklam u wa u Montri Rangbahdooh ka ri India, u Narendra Modi lyngba ka Phone heiyatoh wa ki kaam ha ri Ukraine.
Neiliang u Modi da pyntip u ya i sñiaw ka India wa i yaphær hapyrdi ka Russia wa ki ri wa em hapoh ka NATO daw ye u pynbait du dei yaklam donhi.
Heijooh i por u Modi da kyntu u ya u Putin wow sangeh syndon ya ki kaam pynmynsoo wei wow wan noh cha ka miej yaklam yasuk.
U Modi da pynsñiaw u leh wa em chiboon ki nong India kiwa sahkut ha Ukraine khamtam kiwa lai puræ wei neiliang ka India da sñiaw emkaam bha ko wow ye ki u mih deiwa suk na kani ka ri (Ukraine).
Heijooh i por da rai ki leh wa ki heh sorkar ki ar ri (India wa Russia) u yakrehlang ki kamwa jooh man nachwa.
Heiyatoh wa em kamwa 20,000 ngut ki nong India kiwa sahkut ha Ukraine, neiliang ka Embassy ka India ha Ukraine da e yutip ko cha ki ynne ka sngi ar-le sien wow man kiwa chngaaiñ wei wow rieh kamjooh leh da pyntip ko wa neiliang yong ka sorkar leh daw thooh ko ki laad wow pynmih noh ya ki napoh ka ri Ukraine.
