15 49.0138 8.38624 1 0 4000 1 https://wyrta.com 300 0

Kyntu u montri ka DCA ya ki MDC wow wanrah biang yaka burom ha ki District Council

0 Comments
Advertisement ad1

Shillong: U montri wa pait ya ka District Council Affairs (DCA) ka jylla, u Hamletson Dohling da ong u wa ki kynrum kynram ha ki District Council toh wa pynmih da ki MDC hi neibhah ka sorkar ym embynta næ ym ye ko wow tuklar ya ka kaam ha ki ADC.

Ya ini u Dohling da ong u hadien wa da chikmti u wow pait ya katai ka chnat. Ha i jooh i por da kyntu u ya ki MDC wow pyrchang ki wow wanrah biang ya ka burom, wa ki bor yong ka District Council yow ye u chakri ya ki paidbah katkam wa da pynkup bor. Katkam i ong u montri i burom yong ki ADC katni toh kiwa da hiar archah.

Advertisement ad1

Da ong u wa i wym em ka aiñ wow khang yei kynthiar seiñ da man ko kawi na ki daw wa ktah bha ya i krehkaam ha ki District Council, tangwa ki MDC toh u sñiawthooh ki wa ym toh wow pyndooh yei chaniah yong ki paidbah kiwa da jied ya ki dei burom.

Hawa yathoh wa i duna poisa kawa da pynman leh wow dooh tulop ki wakreh ha Jaiñtia Hills Autonomous District Council (JHADC) wa ha Garo Hills Autonomous District Council (GHADC), u Hamlet da pynsñiaw u wa smat u wow ap ya kini ki eh hanlada da klam che u wa ym ye wow kular yei yarap tangwa ye ki wow yaklam wei lada em ki laad, ka sorkar man ko kawa smat wow yarap.

Hawa kylli hawa yatoh wa i ya tyngkhooh waka sorkar khamtam wa ka Khasi Hills Autonomous District Council (KHADC), da ong u wa ini man ko ka wym yoosuk neibhah ka sorkar ka kwah ko wow ya krehlang neibhah wa ki ADC ki em ki ki yong ki ki bynta wei kamjooh ka sorkar leh ka em ko ka yong ka ka bynta, deiwa pynrap biang wa emkaam wow ya krehlang hanlada em ki wym ya sñiawthooh heini heitai.

Advertisement ad1

0 Comments

Leave a Reply