15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Wai u Conrad ya u mooyurim ka yung thymme ka Civil Hospital Baghmara

0 Comments
Advertisement ad1
Advertisement ad1
Advertisement ad1

U montri rangbah ka jylla u Conrad K. Sangma ynne deiwa emlang u montri ka chnat i chait i khiah u A.L. Hek, u Govt. Chief Whip u Marcuise Marak, Siju Rongara MLA u Rakkam A. Sangma, Baghmara MLA u Samuel Sangma wa kiwi da booh mooyurim ki ya i yung thymme (New Building) ka Baghmara Civil Hospital ha South Garo Hills.

Hawa booh mooyurim yaka yung thymme namo ka Additional Building neibynta Hospital wa 100-palong, u Conrad da ong u, “Man ko i thong yong ka sorkar wow e yarap wa kyrpang ya ki thaw kiwa da chah ieh mylliñ. Ka South Garo Hills man ko kawi na kini ki District kawa emkaam yarap yow chem ko ya kiwi ki District haka roi ka paar hapoh ka jylla.”

Da pyntip u leh wa wa ha ka mang poisa uni u snem, ka sorkar da booh ko yaka chait ka khiah hakhmat dooh yow pynbnha pynmiat leh ya ki thaw sumaar hapoh kaa jylla.

U A.L. Hek da ong u wa daw pyndep chna hapoh 24 bnai kamwa da booh wei da pynsñiaw u leh yei wym sñiawhun yei wym ye u pyndep ya ki kaam sorkar heipor, wei da ong u wa ya kani wa katni daw pyndep heipor. U Hek da ong u leh wa ya kani ka yung thymme da chna deiwa sahkynmoo ya u MLA warim u Lordsigh Sangma.

U Conrad da wai u leh ya u mooyurim ka Circuit House wa thymme ha Baghmara ynne ka sngi, da wai u leh yaka yung skur wa thymme ka Rangku Memorial Girls’ Higher Secondary School, Baghmara, kawa da yarap poisa daka Asian Development Bank.

Da lai pait u leh yaka Captain Williamson Memorial College, kawa man du ka donhi ka Degree College ha South Garo Hills yow tip kammon wow e yarap yaka.

Share this:
Previous

Da pynlait ya u khoo rachon ha West Jaiñtia Hills

Next

Kyntu u montri ka DCA ya ki MDC wow wanrah biang yaka burom ha ki District Council