Kyntu u montri ka sorkar-bei ya ka sorkar jylla wow pynemkaam hok ya ka poisa kiwa kreh mylla

Shillong : U Montri ka Sorkar-bei næ u Minister of State (Independent Charge) Labour & Employment, Government of India u Bandaru Dattatreya ynne ka sngi da booh moo-nongrim u ya ka Regional Labour Institute ha Shillong hei emlang ka M. Sathiyavathy, Secretary, Labour & Employment Government of India, u Heera Lal Samariya, Additional Secretary,  Labour & Employment, Government of India, Dr. Avneesh Singh, Director General, DGFASLI, u T. Dkhar, Commissioner & Secretary, Labour department, Government of Meghalaya, u A. Mawlong, Secretary, Labour department, Government of Meghalaya wa kiwi kiwi.

Neiliang ka sorkar jylla da yooluti wa daw em u Dr. Mukul Sangma, Ampareen Lyngdoh kamjooh wa u MP ka jylla u V.H. Pala tangwa ym em u wan ki.

U Dattatreya da ong u wa ka sorkar pyrdi da booh ko ya ka thong wow pynku ya i roi ka paar ka thaiñ mihsngi (Northeast) deiwa sdang ya kiwa boon ki karkhana yow yoh kreh ki tre chnong.

Kamtæ emkaam u pynman ya ki thaw kreh ki wym booh yei ma ya i mynsien kiwa kreh, kiwa khooid kiwa chait wa khiah ki wym em pait chilliang neibhah ini waroh ha ka pyrthai wa katni da man i i hok yong kiwa kreh.

Related posts

Wa man Rangbah Shnong ki Garo, lai kdaw ka KHNAM ha ka KHADC wa man i pyrchah ya ka aiñ

November 26, 2024

Heipor tlang wa duna um ym ye u leh iyi iyi: Marcuise N Marak

November 26, 2024

Da yooluti u wa deiwa em kani ka Regional Labour Institute ha Shillong daw wanrah ko boon i kylla ha ki thaw kreh ki bru yow yoh ki ki sikai wa boon jait wei yow tip ki leh yei hok yong ki kam kiwa kreh.

Da pyntip u leh wa ka sorkar jylla da yoh ko T. 80 Klur kam ka Labour Cess wei dang ye ko u pyllut du T. 90 lak donhi. Kamtæ da yooluti wa ka sorkar daw chimkhia ko wow pynemkaam ya kani ka poisa hei emkaam kiwa mylla kam ki Muster Roll yow pynbiang yeiwa emkaam ym du ya ki kamjooh leh yei emkaam ki khon ki kti yong ki ha i puræ puthi, ki scholarship wa kiwi kiwi.

Kani toh ka Regional Labour Institute wa 6 wa em hapoh ka ri heiwa da em leh ha Mumbai, Chennai, Kanpur, Kolkata wa Faridabad.

Hapoh kani ka Institute daw chna ya ki kamra sikai wa katkam ka juk wa katni wei daw chna leh ya ka Hostel. Ya kani ka yung daw chna da ka CPWD Shillong hei dor T.17.40 klur, wei u sdang pynkrehkaam ya ka ha u snem 2020.