Shillong: U Symbood Montri Rangbah ka jylla, u Prestone Tynsong da ong u wa ka sorkar daw tuklar ko hajrong i pynbaad, i pynkhai im ya i jia i ya kynaad ha ka chnong Ichamati, deiwa ong wa ka sorkar toh kawa paitbniah wow pynneh ya i suk i saiñ ha ka jylla, wei da kyntu u leh ya ki paidbah wa ki seiñ waphær waphær wa ym thoh wow pynkulmar ha ki Social Media.
Da ong u wa ka kynhun yong ki jaitbru Bengali da dep ki wow pynche wa ym em itæ i lehbeiñ, wei ka jylla Meghalaya ka yatylli ko kamwa man kattæ, da kyntu joor u leh wa ym toh u pynchit de hajrong kani ka kaam.
Hawa kylli, u Prestone da khyrwait u ya ki 3 ngut ki baar jylla, deiwa kylli wa ileh kitai ki bru emkaam ki wow lai rah ha u Lat hawa ki sñiaw ki wa em ki iwon iwon i eh, wei ileh ym lai bait ki chwa cha ka sorkar lyngba ki sahep. Da ong u wa kini ki bru ye u man wa em ki i thmu wa sih wow pynbood naam ya ka rukom synchaar ha ka jylla.
Hawa kylli lada ye wow em i pynchit ya sñiaw yaphær jaitbru na baar ka jylla, da ong u wa katni ym pu ye u pynbaad wa emkti ki bru kiwa na baar wa pynchong chit, neibhah wa katni waroh man ki kiwa yatoh lok wa kiwa na baar jylla.
Hawa yatoh wa i pynbaad u Lat warim ka jylla, u Prestone da ong u wa i myllien yong oo wow klam katwa sñiaw u, tangwa kam u bru uwa em i kitkhlieh, toh u pyrkhat u chwa wow pynbaad.
