U Chief Whip ha ka yung dorbar chna aiñ, uwa man leh u MLA ka Congress na Mawlai, u Process T Sawkmie da kyntu u ya ka sorkar jylla wow pyndam noh wow pynkhor yaki kyndon ha ki yungmane wow e laad yei chakri Blai wa pura ya ki kynhun niam.
U Sawkmie da ong u wa kamwa man kattæ, ka sorkar jylla da pynkyllooid ko yaki kyndon kiwa boon kiwa da pynrkhiñ ha ki kylleiñ ki jait krehkaam hadien i long i man na ka khlam COVID- 9 man ko kawa rap biang wei da duna ha ka jylla.
Kamtæ hajrong kani ka yurim da kyntu ya ka sorkar wow pyndam noh yei pynrkhiñ pynkhor yaki kyndon ha ki yungmane, neibhah wa hadooh katni du ha ki yungmane kiwa dang chah pynkhor hawa nujor wa kiwi ki thaw.
