U Montri ka sorkar jylla uwa man leh u MLA ka BJP, u Sanbor Shullai ynnin ka 27 tarik da yachem u wa u Joint Secretary ka Home Affairs u Piyush Goyal ha yung krehkaam yong oo ha North Block, New Delhi.
Ha ini i yachem u Sanbor da ekti u ya ka dorkhat wa da phah cha u Montri ki kaam pohyung, u Amit Shah wow pyntip ya i man i long ha ka jylla Meghalaya heiwa da khana leh yeiwa da tyrwa yasuk wa ka HNLC.
Neiliang u Sanbor da ong u wa hajrong ini neiliang ka seiñ leh da kwah ko wow klam yasuk wa ka sorkar India wei ka sorkar MDA hapoh i yahkhmat u Conrad Sangma leh da chimkhia ko ya ini tangwa nei booh kyndon chwa ka HNLC i yaklam ympu em u man i.
Kamtæ da ong u wa ka BJP Meghalaya wa ka sorkar MDA da kyntu ko ya ka sorkar pyrdi wow sdang noh ya i yaklam khnang wow wanrah ya i chongsuk ha Shillong.
Da ong u leh wa neiliang ka sorkar NDA ha Delhi neipor cheipor da pyrchang ko wow wanrah ya i bha yong ki paidbah ka thaaiñ mihsngi wei da toh i por wa ka Ministry of Home Affairs u embynta ko wow tyrwa yaklam noh wa ka HNLC.
