• About Us
  • Contact Us
  • Privacy Policy
  • Advertise With Us
  • Terms & Conditions
Saturday, July 5, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Home Politics

Kyntu u Sanbor ya ki party wa em wa ka sorkar MDA wow kyrchaan ya u kyrtong ka NPP ha Ranikor

Wyrta Staff by Wyrta Staff
June 29, 2018
Reading Time: 3 mins read
A A
0
Share on FacebookShare on Twitter

Shillong: Uwa yahkhmat ya ka BJP uwa man leh u MLA ka South Shillong Constituency, u Sanbor Shullai da kyntu wei da tyrwa u ya ki seiñ saiñpyrthai wa emlang ha ka sorkar synrop Meghalaya Democratic Alliance (MDA) wow kyrchaan ya u kyrtong ka NPP, u Martin M Danggo kam u kyrtong wa monlang yong ka sorkar.

Ya ini, u Sanbor da ong u hadien wa yoo u ya ki khubor wa kiwa boon ki party da pynkhreh ki wow sai ya ki kyrtong wow yakhun ha ka election chiteiñ samoi ha Ranikor Constituency.

Hawa klam wa kiwa pathai khubor ynne ka sngi u MLA ka BJP da ong u wa ha ka yalang kawa da man ha ka 12 tarik uni u bnai wa man ka sngi wa u Montri Rangbah ka jylla, u Conrad Sangma da pynbna u wow e noh ya ka Civil Sub-division ha Ranikor da yaklam leh wow e i kyrchaan wa pura ya u Danggo kam u kyrtong wa da hunnlang ka MDA.

Da ong wa ha katai ka sngi ki paidbah kiwa em da pynsñiaw ki wa kwah ki wa u MLA warim u iehnoh u ya i man MLA na ka Conress wow yakhun biang ya ka Election na ka party NPP neibhah wa kmen u ya ka rai ka sorkar MDA wa da yahkhmat da ka NPP kawa da ap yeiwa emkaam ka thaaiñ wa emkaam wow em noh ka Civil Sub-division.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Katkam wa ong u Sanbor, ki party kiwa emlang ha ka sorkar toh u burom ki ya kani ka rai wow kyrchaan pura ya u MLA warim khnang wow pynkhlan chooh chooh ya ka sorkar kawa katni wei wow pyntikna wa daw neh ko hadooh wa kut ka samoi krehkaam.

Ha iwi i liang da ong u wa neiliang ka BJP dadep yaklam ko wa ki heh yong ka ha Delhi wa ka party ym pynyieñ kyrtong ko ha kani ka election chiteiñ samoi ha Ranikor wei daw e ko i kyrchaan wa pura ya u MLA warim, kam ka dak wow burom ya i rai ha ka 12 tarik.

U Sanbor da ong u leh wa u MLA warim dang jop kput ha kani ka election wei ki kyrtong kiwa yakhun pyrchah daw rem pynsih ki.

ShareTweetSendShare
Previous Post

Pynkhreh ka Congress wow pynkhai im ha Ranikor

Next Post

Mynstep u pynkut noh ya ka lympung Imperial Blue Super 5: Five Aside Football Tournament, 2018

Related Posts

Politics

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025
Politics

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025
Politics

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025
Politics

Kyntait ka Agatha Sangma wow man ka kyrtong MP cha Rajya Sabha

May 29, 2025
Next Post

Mynstep u pynkut noh ya ka lympung Imperial Blue Super 5: Five Aside Football Tournament, 2018

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar