Jowai: Ka yakhih Stay Off-The-Road Protest wa da khut pynman da ka Confederation of Hynniewtrep Social Organisation (CoHSO) nadooh 7:00 waje ynne i miet ha kylleiñ ka ri-loom Khasi Jaiñtia da man ko kawa krehkaam.
Da sakhi yei thang tire ha kylleiñ ka West Jaiñtia Hills heiwa da thang ya ki tire hapyrdi sarok kam ha Lad College, Soomer, Ynñiawmer, Thadlaskeiñ, wa tymbud u sarokbah.
Ki sarok man ki kiwa duna bha i lai i wan ki kari hanlada ki bor pulit leh da uiñ ki tymbud u sarok wow pyntikna wym thut i lai i wan ki kari.
Kam wow pynkynmoo heini ka CoHSO toh ka satri yong ki seiñbhalang wa kynthup ya ka HYC, HANM, HPF, JSU, JYF, AJSU, JSM, EJNC, WJNC, RBSU, CORP, WYF, WKSU wa ka MPUF wei ya kani ka yakhih toh wow pyrchah ya ka sorkar wa i thmu wow pynman aiñ ya ka Citizenship Amendment Bill ynne ka sngi.
Discussion about this post