Kyrchaan ka AMTT wow em ki Integrated Checkpost deiwa pyrchah joor ya ki Weighbridge

Jowai: Ka seiñ Association of Meghalaya Traders and Transporter (AMTT) da thoh ko cha u montri ryngbah ka jylla u Conrad K Sangma hei yatoh wa mih khubor ki Weighbridge wa ki Integrated Checkgates hapoh ka jylla hanlada ka State Government Integrated Checkgate Policy 2010 kawa da chna yow chem ya kiwa tih mar pohkhyndaw pyrchah ya ka aiñ wei wow khang noh ya ki Stand Alone Weighbridge ha waroh kawi ka jylla. Ka Supreme Court leh da pynskem ko ya kani ka Policy wei da kyntait ko ya i pyrchang ki bru samen wow pynthymme u pynkrehkaam ya ki Weighbridge yong ki wei kani ka hukum ka Supreme Court da kdaw ko leh ya ki kyndon wa kammon u booh ya ki Integrated Checkposts ha Meghalaya.

Ki kaam khrong poisa ha ki sarok bah ka Meghalaya ym toh iwa thymme wei da em boon ki mukotduma wa da wanrah ha ka Guwahati High Court hei yatoh wa ini ha u snem 2010 wei da chim ya ka rai wow pyndooh noh ya ini waroh wei du hapoh ka jylla Meghalaya wa em boonjait ki Weighbridge.

Ka seiñ da ong ko leh wa sñiawphylla ko wa ka sorkar wa katni da wanrah won ko da kawi ka Meghalaya State Policy for Weighbridges, 2018 kawa lai pyrchah ya ki kydon Supreme Court yow wanrah biang ya i rukom man wa rim wow pynchlur yei khrong poisa ha ki sarokbah deiwa em boon tylli ki Check Gate wei da toh por wa ka sorkar u pyndooh noh ko ya ini wei ya ki Integrated Checkpost wa pynlai da ka sorkar ymtoh u e cha ki bru samen wei wow thied thaw yow booh ya ki namo deiwa chim wai ya i thaw yow booh ya ki Integrated Checkpost.

Ka seiñ da ong ko leh wow booh ya i thaw sah ya kiwa kreh ka sorkar, u pynbiang ya ki Computer, i thaw wow booh ya ki mar wa chah kem, u pyndait ya ki CCTV wa kiwi kiwi de kiwa emkaam.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Kamtæ ka seiñ da ong ko wa ki Integrated Checkpost toh kiwa emkaam wow booh katni yow lait na i boon ki Weighbridge wa man pyrchah ya ka aiñ wa i chah khrong poisa.

Kamtæ ka seiñ da ong ko wa ka sorkar ym toh u e daw ko kiwa boon jait wa duna bru neibhah ka hi biang ko ki bru.

Ini toh katkam wa pyntip u  Enrico D Pasi, President ka seiñ.

(Feature Image-For Representational Purpose)