Kyrchaan ka FKJGP ya i dawa ka KSU wow pyrnkrehkaam ya ka NRC ha Meghalaya

Shillong: Ka Federation of Khasi Jaiñtia and Garo People’s (FKJGP) da dawa ko wa toh u pynkrehkaam noh ya ka National Register of Citizens (NRC) ha ka jylla, wei ha i jooh i por da dawa ko leh wow pynkhlan chooh chooh ya ka aiñ Inter-State Migrant Workmen (Regulation of Employment and Conditions of Service) Amendment, Act 2011.

Hawa yaklam wa kiwa pathai khubor, u President ka FKJGP, u Wellbirth Rani da ong u wa ka seiñ kyrchaan ko ya ka Khasi Students’ Union (KSU) wow khanglaad ya ki bru wa chah kyntait ha ka NRC ka Assam wow psiah tooh cha ka jylla.

“I da yahchem i wa ka sorkar jylla wow dawa pynkrehkaam noh ya ka NRC ha ka jylla deiwa booh ya u snem wow kyntait pyrtuid nadooh u 1971, nalor ka NRC i dawa i leh wow pynkhlan chooh chooh ya ka Inter-State Migrant Workmen (Regulation of Employment and Conditions of Service) Amendment, Act 2011, wow khanglaad ya ki baar jylla wow wan rkehkaam ki katwa ngait chapoh ka jylla,” da ong u Rani.

Da ong u wa hadooh katni neiliang ka sorkar ym em leh ko iyi iyi wow khanglaad ya i wan psiah katwa ngait kiwa mylla sngi na baar jylla khlem ki kot ki sla wa biang kawa da pynman ya ki seiñbhalang wow lai sylli ki ya ki thaw kreh wa em ki dkhar.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Hei yatoh waka aiñ Trading by Non-Tribal Regulation Act, uwa yahkhmat ka FKJGP da ong u wa ka Khasi Hills Autonomous District Council (KHADC) toh u pynman ko ya i lai sylli man ki por.

Ka FKJGP da dawa ko leh wow booh ya ki CCTV ha waroh ki khyrdop wa sylli yei psiah ki baar jylla, khamtam ha kitu kiwa ye u joor i psiah ki baar jylla wei da kyntu leh ya ki dorbar chnong wow man ki kiwa pait-siar dei wym e laad ya ki bru kiwa na baar jylla wow wan psiah ki.

Ha kawi ka liang u Rani da ong u wa ka seiñ da kyrchaan ko leh ya ka Bill wa da wanrah da ka KHADC wow pyndooh yow tipmit ya ki kynthai wa yoh kurim da ki baar jylla lyngba ka Khasi Hills Autonomous District (Khasi Social Custom of Lineage) (Second Amendment) Bill, 2018.

“I daw e yumut i leh hajrong kani ka Bill wei daw yachem i leh wa ki bru chemphang wow paan yumut na ki leh khnang wow pynmiat chooh chooh ya kani ka Bill,” da ong u Rani.