Ka Hynniewtrep Youths’ Council (HYC) War Jaiñtia Circle da e ko yei kyrchaan wa pura yaka Elaka Darrang hajrong i pyrchah yong ka yei thmu wow booh Dam haka wah Umngot neibynta wow pynmih bordiñ.
Ka seiñ da ong ko wa i thmu wow booh Dam yaka wah Umngot daw ktah bha ko ya ki paidpah ka thaaiñ kiwa im nei rep i riang wei khamtam dooh daw ktah ko ya ki kaam uiñke suwari kiwa em ha kitai ki thaaiñ.
Kam wow pynkynmoo waka Elaka Daarrang da rai ko wow pyrchah yaka Hydroelectric Project haka wah Umngot deiwa daw lai pynyoo ya ini haka Public Hearing kawa daw pynman haka 9 tarik uni u bnai ha Moosakhia, West Jaiñtia Hills.