Kiwa dang yoh COVID-19 ha India dang pteiñ ki wow ku heiwa ha kini ki 24 kynta da em 1,15,736 ngut kiwa dang yoh iwa man leh iwa boon dooh ha chi sngi katwa kiwa dang chait da em ki 59,856 ngut, kiwa dang yap 630 ngut iwa mut wa kiwa dang em ya uni u khñiang da ku ki da 55,250 ngut.
81% na kiwa dang yoh da em ki ha ki 8 tylli ki jylla kiwa boon dooh ha Maharashtra 55,469 ngut, Chhattisgarh 9,921 ngut, Karnataka 6,150 ngut, Uttar Pradesh 5,895 ngut, Delhi 5,100 ngut, Madhya Pradesh 3,722 ngut, Tamil Nadu 3,645 ngut wa ha Kerala 3,502 ngut.
Na kiwa dang yap, kiwa boon dooh toh ha Maharashtra 297 ngut, Punjab 61 ngut wa ha Chhattisgarh 53 ngut.
56.17% na kiwa dang em ya uni u khñiang hapoh ka ri toh kiwa em ha Maharashtra, 6.22% ha Chhattisgarh, 5.35% ha Karnataka, Kerala 3.59%, Uttar Pradesh 3.26% katwa ki 25.41% kiwa sah toh kiwa em cha kiwi ki jylla ka ri.
Waroh kiwa da chait da em ki 92.11% kiwa em 1,17,92,135 ngut, kiwa dang em ya uni u khñiang da em ki 6.59% kiwa em 8,43,473 ngut, kiwa yap 1.30% kiwa em 1,66,177 ngut, deilang dapoi 1,28,01,785 ngut kiwa da dep yoh ya uni u khñiang hapoh ka ri.
Heiyatoh won wa i e dawai yada COVID-19, da dep wow e la 8,70,77,474 sien heiwa ha kini ki 24 kynta da e 33,37,601 sien, iwa pynman ya ka India katni ka ri wa yoh nyngkong kawa ye u 30,93,861 sien man-ka-sngi deiwa kheiñ yonglang ha kini ki 7 sngi.