Kyrchaan ka Jaiñtia Truck Driver Association yei e por wow pynchna noh ya u sarok NH-6

Ka Jaiñtia Truck Driver Association (JTDA) da e ko yei kyrchaan wa pura ya ka Synjuk Waheh Shnong East Jaiñtia Hills District wa ki seiñbhalang kiwa kynthup ya ka KSU East Jaiñtia Hills, KSU Narpuh Circle, ka JSM Eastern Region yei por (Deadline) ki ya ka sorkar wow chna pynbha smat ya u NH-6 uwa da sih cha palat pood uwa da dap sa du ki thlu la kam ki nan dakha.

Kani ka seiñ kiwa yah Truck da ong ko wa uni u sarok NH-6 toh u budloom yong kiwa chong chnong ka jylla Meghalaya, Assam, Mizoram, Tripura wa kiwi kiwi.

Kamtæ da kyrpaad ya ka sorkar wa toh u chna smat ya uni u sarok neibhah kam kiwa yah kari kamjooh kiwa lai wa wan wa pynemkaam ya uni u sarok da chem chitom ki hadooh kattæ kattæ hadooh wym hoi de wow pynemkaam ya uni u sarok uwa man leh kam u National Highway.

Ka seiñ da maham ko leh wow pynman da ka yakhih lada ka sorkar ym ap ko yeini i eh wa da chem da maad ki paidbah.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025