Ka seiñ JSU da pynsñiaw ko yei kyrchaan wa pura ya ka seiñ ki tre Truck wa tip kam ka Jaiñtia Hills Truck Owner Association (JHTOA) kawa da yakhih neidaw wa chah yoobeiñ ki ha ki karkhana pynmih khyndaw-bilat wa em hapoh ka East Jaiñtia Hills District.
Ka JHTOA da sdang ko yei yakhih wa khlem da booh por nadooh ka 5 tarik uni u bnai.
Kamtæ ka JSU da ong ko wa da jooh e ko yei kyrchaan yei yakhih ka JHTOA nadooh nachwa yow pynku ya ka bait kit wa da su da kini ki karkhana katkam i dor wa da booh da ka sorkar jylla.
“Tangwa da phylla won wa kini ki karkhana da pyndooh ki wot wow kit mar kini ki kari ki tre chnong wei ini i leh heh ki da pynchrai ya ki tre kari wei yei wym tip ki burom ya ki jaitbru yong i,” da ong ka seiñ.
Ka seiñ da maham ko leh deiwa eh ya kini ki karkhana wow toh u e ki wow kit mar da ki Truck ki tre chnong katkam ka soskular wa da soi waka Association wei wow burom leh ya ki tre chnong khlem da khñion beiñ yei dor.
“Ka seiñ daw lai ko da ka luti wa eh lada kini ki karkhana ym pdiang ki yei dawa wa chong nia yong ka Association,” pynkut ka kyrwoh na ka seiñ.
Discussion about this post