Jowai: U President ka seiñ Khasi Jaiñtia National Union (KJNU) u Niman N. Shadap da e khublei u ya ka Hills State People Democratic Party (HSPDP), hapoh i yahkhmat u Ardent Miller Basaiawmoit wa yoo jngai ko yei emkaam ka jaitbru yong i, itæ toh wow boodien yei dawa wow pynyoh ya ka jylla yong ka jaitbru yong i.
Da kyntu u ya kiwa yahkhmat ka HSPDP wow pynemkaam hok ko wow pynemkaam ya ka kular yong ka wei ymtoh iwa klam hi-eh chwa ka Election. Da ngait skem u wa hapoh i yahkhmat u Ardent ym man ko du i ktien donhi i wym chetkylla ya ka jaitbru.
U President ka KJNU da ong u wa da kwah sakhiat u wow mih kitæ kiwa saiñ hima sima kiwa smat wow kreh yow pynyoh ya ka jylla yong i hi kiwa embor wow yaklam wa ka sorkar bei wow dawa ya ini.
Kamtæ ka seiñ KJNU da e ko i kyrchaan wa pura ya ka HSPDP wei u boodien ko wow pynyoh ya ka jylla hei pyrtuid ka Khasi Jaintia Land (State).
Also Read: Ki rai wa emkaam u tip neibynta ki thong ka HSPDP ha kani ka Election 2018
Discussion about this post