Kyrchaan ka KSU yei dawa Garoland State deiwa maham wa ymtoh u ktah ya ki chnong Khasi

Shillong: Ka KSU da kyrchaan ko ya yei dawa jylla Garoland State da ka Garo Hills State Movement Committee tangwa da maham ko wa ymtoh u ktah ya ki thaw wa ki chnong Khasi.

Ki le tylli ki tnat ka KSU wa kynthup na South West Khasi Hills, West Khasi Hills wa North Khasi Hills (Ri-Bhoi) da chong yalang ki kawa jhan ynne ka sngi hadien wa ka GHSMC da pyman ko ya ka rally wow dawa Garoland State ha ka nongbah Delhi.

Hawa klam wa kiwa pathai khubor ynne ka sngi, ki President yong kini ki le tylli ki da pynsñiaw ki ya i kyrchaan ya i dawa Garoland State ki jaitbru Garo tangwa da pyrchah ya i dro map wow chim ya ki thaw kiwa haap hapoh ka ri-loom Khasi kam ka thaiñ Shahlang, Borsosa, Nongjri, Nonghyllam kiwa haap ha South West Khasi, ki chnong Riangdo, Mawshynrut, Kyrshai, Arodonga kiwa haap ha West Khasi Hills wa ka Khanapara, Byrni, Jorabad hadooh 15 Mer wa haap ha Ri-Bhoi. Da ong ki wa kini ki thaw toh kiwa haap hapoh ki Hima wa ka KHADC.

Kini kiwa yahkhmat wa kynthup ya u President ka KSU South Khasi u Forwardman Nongrem, u President West Khasi u John Nongsiang wa u Ferdinand Kharkamni President ka KSU North Khasi Hills, da ong ki wa katkam ka Map wa da tyrwa da ka ANVC cha ka sorkar pyrdi ha u snem 2006, daw haap kiwa boon ki chnong Khasi cha ka Garoland State.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da pyntip ki wa da em kamwa 200 tylli ki chnong Khasi ki wow haap noh cha ka Garoland State lada leh katkam ka Map yong ka ANVC, wei ka seiñ da pynsñiaw ko wa lada kammon kammon leh ym elaad ko chi inchi i thaw Khasi ya kani ka dawa jylla ki paralok Garo.

Ki dkhot ka KSU da ong wa kini ki thaw toh kiwa haap cha Khasi Hills wei ym pdiang ya kini ki thaw wow lai ki cha ka Garoland State kamwa da dawa da ka ANVC kawa kyrchaan leh da ka Garo Hills State Movement Committee (GHSMC).

Kiwa yahkhmat ka KSU da ong ki leh wa daw lai ki wow ya syllok wa ki paidbah, kiwa pynlai chnong yong kitu ki thaw wa ye u chah ktah wei heijooh i por da kyntu ya ka KHADC wa ka sorkar jylla wow chimkhia ya kani ka kaam wow tuklar i dawa Garoland State wym toh u ktah ko ya u pood u ang ki thaw Khasi.