15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Kyrchaan ka sorkar wow lai cha khmat hei yatoh wa ka Digital India

0 Comments
Advertisement ad1

Shillong: Kam chibynta wow pynchlur ya ki paidbah wow dam noh u pynemkaam ya ka kot poisa yow pynman noh ya ka yaaw ka hat wa pynemkaam da ki stat sayan wa katni, ka National Institute of Electronics & Information Technology (NIELIT) da pynman ko da ka esikai wa chisngi ha Yojana Bhavan, Main Secretariat, Shillong. Da wan wai ya kani ka esikai da ka Minister for IT, IPR, etc. Ka Dr. M Ampareen Lyngdoh hei emlang u Deputy Commissioner, East Khasi Hills, u P. S. Dkhar, SIO, NIC Meghalaya, u Timothy Dkhar, Director in-charge NIELIT, Shillong, u S Borgohain.

Ka Ampareen hei klam yong ka da ong ko wa ka Digital India toh i thong ka Sorkar India wow kylla yei rukom su ya ki mar ki mata deiwa pynemkaam da ki Debit Card, Credit Card, ki Apps lyngba ki Smart Phone wei ka jylla Meghalaya smat ko wow krehkaam yow pynman sakhiat ya ini waroh.

Da ong ko wa nadooh kiwa khayi, kiwa dai wa thied daw yoh myntoi ki chiboon na kani ka juk thymme kawa tip leh kam ka Cashless Transaction wei da pynchlur ko leh ya ki paidbah wow jied ki ya kani ka luti wei ka Meghalaya u lai lang ko wa waroh ka pyrthai cha kani ka thong.

U Deputy Commissioner, East Khasi Hills, u P.S. Dkhar, won da ong u wa katni waroh yaklam ki ya ka Digital Payment wei emkaam leh ka sorkar u pyntikna ko wa ye u su ya waroh i jait lyngba kani ka Digital Payment. Yow pynchlur ya ki paidbah daw haap pynman ya ki e sikai pynsñiawthooh ya ki paidbah wei ha katu katni ki thaw da ye u pynchlur ya ki paidbah khamtam yei artatien yong ki wow chah tooh poisa (Cyber Crime) lyngba ka Digital Payment.

Da ong u leh wa ka sor Shillong toh u yahkhmat ko hei yatoh wa ini yow chlur ki paidbah wei yow boodlang kiwi.

Advertisement ad1
Share this:
Previous

Dang 12 snem i rta da em kiwa sdang u dih drok: Vivek Syiem

Next

Yoh takma ksiar u khynroo na Smit ha Turkmenistan