Jowai: U khynroo na ka chnong Smit, EKH da wanrah burom u ya ka ri kamjooh ya ka jylla deiwa yoh takma ksiar u ha ka WAKO Asian Kickboxing wa pynman ha i chnong Asgabat wa em ha ka ri Turkmenistan.
Ya uni u khynroo da tip pyrtuid kam u Pynnehbor Mylliemngap wei da chim bynta u ha ka Musical Form Hard Style ha ka kyrdan Senior Men Category.
Ya kani ka Kickboxing Championship da pynman nadooh ka 24 tarik uni u bnai daw kut ko ha ka 30 tarik uni u bnai.
Napoh jylla da em 3 ngut wa lai wa wa kynthup ya Pynshai Mawrie, Lamphrang Kharsahnoh wa u Pynnehbor Mylliemngap kiwa na ka seiñ Meghalaya Association of Kickboxing Organizations (MAKO).
U Pynneh toh uwa da dep yoh takma ha ka Asian Jeet Kune Do Championships 2016 wa pynman ha Kandy, Sri Lanka ha u Naichiphaw.
Discussion about this post