Kyrchaan ka UDP ya u Conrad na South Tura dei angnood wow jop na Ranikor

Shillong: Ka United Democratic Party (UDP) da pynsñiaw ko wa da kyrchaan ko ya u kyrtong ka NPP na South Tura neibhah wa kwah ki wa u Montri Rangbah ka jylla, u Conrad K Sangma u jop u ha ka Election chitieñ samoi na katai ka Constituency.

“I da e ktien i wow kyrchaan ya u Montri Rangbah ha ka Election chiteiñ samoi na South Tura wei i da kyrmen wow jop u,” da ong u Jemino Mawthoh hawa yaklam wa kiwa thoh khubor ynne ka sngi.

U Mawthoh da ong u wa kiwa kitkaam wa ha khmat ka Party wa kynthup ya u President u Dr. Donkupar Roy, da yachem ki ya kiwa yahkhmat ka ka Party na Garo Hills wei da rai wow bood ya ka rai ka Party wow kyrchaan ya u Conrad K Sangma.

Da pynche u leh wa kiwa yahkhmat ka ka Party na Garo Hills, u Kabul Sangma da mih u naka Party wa em u i thmu wow yakhun Election kam u kyrtong samen ha kani ka Election chiteiñ samoi na South Tura.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Ha iwi i liang, u General Secretary ka UDP da ong u wa ka Election chiteiñ samoi na Ranikor Constituency man ko kawa emkaam bha neibynta ka Party kam chibynta wow pynkhlan chooh chooh ya ka party ha Ranikor.

“I kwah i wow jop na Ranikor wow pynku yei em ki MLA ka UDP ha ka sorkar MDA,” da ong u.

Da kam u leh wa u kyrtong ka UDP ha ka Election chiteiñ samoi na Ranikor, u Pius Marwein, man u u kyrtong uwa khlan wei em kyrmen leh wow jop u.