Jowai : Ka seiñ West Jaiñtia National Council katkam ka khubor wa pyllait da u Publicity Secretary yong ka u Hoping Phawa da ong wa ka seiñ kyrchaan tylli ko yei dawa ka MPUF wa ka KJNU wow pynneh ya u Arunkumar Kembhavi kam u DC ka West Jaiñtia Hills District.
Neiliang ka seiñ da yoo ko ya ki kaam kiwa uni u DC wa kreh u nei bynta ka jaitbru wa yarap u ya ki chnong wa nadooh na sor hadooh kiwa cha kdong dooh. Da ong leh wa ki tu ki bru kiwa kwah u pynmih ya kam uni u DC toh u pait chwa ki ya ki tu ki officer kiwa emkti ha ka bamsap hapoh ka District.
Chooh chooh neiliang ka seiñ ka da man ko kawa pynkhreh u mih madan la da chah kyrriah u DC. Da kyntu leh ya ki paidbah wow em mynsien maya ri ym toh kiwa dai ri yow im ka jait bru kam ha kani ka kynti wa da yoh myntoi bha ki paidbah.
Ka WJNC da yaroh ki leh ya ki ar seiñ wa yieñ ki neibynta ka jaitbru kamjooh wa chlur ki u yieñ pyrchah ya kiwa embor wei pynchlur ki leh ya ki wow lai ki cha khmat u tia ki cha pharang yei bha i miat yong waroh.
Discussion about this post