Ka HYC Narpuh Circle da e ko yei kyrchaan wa pura yei yakhih ka JAC ka Dong Namchiang yow khang ya u sarok NH-6 ha ki thaaiñ Narpuh nadooh ka 19 tarik uni u bnai khlem da booh por mynnu u kut.
Ka seiñ da ong ko wa kam ki dkhot wa kiwa chong chnong yong ka thaaiñ Narpuh da sñiawsih wow yoo hadooh katwon kani ka thaaiñ chah iehbeiñ ko ha waroh ki liang khamtam uni u sarokbah uwa man u budloom uwa da chah ieh khlem da pynchna de da boon snem hadooh wa da chem chitom kiwa lai wa wan da boon boon snem.
Kamtæ ka seiñ da kylli ko na kiwa mihkhmat hadooh mynnu u yang ki u pynchna ya uni u sarok næ u yang ki hadooh wa jia iwa sñiawsih.
Da kylli leh wa lada i hok yong ki paidbah ym em de ki mo?
Ym yoo ki mo yeini wa sih uni u sarok wa i chitom wa da maad ki bru man-ka-sngi næ da rai kut wym pynchna de ya uni u sarok?
Hajrong ini waroh, ka seiñ da e ko yei kyrchaan wa pur yei yakhih yong ka JAC neibynta i bha i miat ka imlang sahlang wei da kyrpaad joor ya ki para wa em ha ka thaaiñ wow ya ksohkti lang ha kani ka yakhih.
Discussion about this post