Jowai: Ka seiñ Association for Democracy and Empowerment (ADE), Tura da ong ko wa kini ki por wa im ki paidbah toh kiwa chitom bha nadooh wa phah ka sorkar wow pynemkaam da u Aadhaar ha waroh i jait kaam wa leh ki paidbah deiwa kam wa toh wow pynsuk ya ki piadbah.
I phah ka sorkar pyrdi wow pynyabi ya u PAN Card No., ki mobile phone number, ki bank account wa kiwi kiwi toh u pyndooh yei hok samen ki bru neibhah ha ka 11 tarik Nasaphar 2015 u Justice J. Chelameswar da ong u wa i pynyabi ya u Aadhaar wa ki kaam e myntoi ka sorkar toh i monsñiawbha ki paidbah wei ymye u pynbor ya ki.
Tangwa ki paidbah wa boon hi da joor i tieñ ki boi lada ym leh ya ini daw dooh ya u khoo rachon, chini, phniang charak wa kiwi kiwi.
Ka seiñ ADE leh da ong ko wa i chim ki yei chon i dur pariam kti, ki pyllung khmat wa i thmu ka sorkar wow dam u pynemkaam da ka poisa kot toh i thmu ka sorkar wow tip yei lai i wan yong i wei hadooh katwon pyllut poisa i wei wa heiwon pyllut i.
Da ong ka seiñ wa hapoh ka ri da em ki ID wa boon kam ki Driving License, EPIC, wa kiwi kiwi kiwa pynyaphær ya ki khynnah na ki waheh katwa u Aadhaar won da phah wow leh nadooh ki khynnah ki wym tip i khlieh i tdong chaphang iyi iyi leh.
Kamtæ ka seiñ da pynsñiaw ko yei pyrchah ya u Aadhaar wei da kyrchaan ko ya ka seiñ Meghalaya People’s Committee on Aadhaar (MPCA) ya ka yurim wa yeiñ ko khamtam ya ka Opt Put Campaign kawa yaleh wow pyndam ya ki Aadhaar wa da yoh, kamjooh ya ka hok kiwi wow kyntait ya oo.
Discussion about this post