Khliehriat: Ka seiñ Southern Border Youth Welfare Association (SBYWS), Elaka Rymbai & Lakadong, East Jaiñtia Hills District ha ka khubor wa phah lyngba u Yonis Dkhar, Education & Literacy Secretary ka seiñ da ong u wa e yaroh ka seiñ ya ka JSM Central Body heiwa da dawa ko ya ka Govt. College wa thymme hapoh ka East Jaiñtia Hills.
Kani ka seiñ man ko kawa boon ki kynnah kynroo khyllood kiwa chem chitom neibhah wa em du kawi donhi ka thaw puræ sorkar (Kiang Nangbah Government College).
U Yonis Dkhar da ong u wa emkaam wa ka sorkar lyngba ka tnat puræ puthi wow wai noh ko sa kawi ka Government College khnang wa ki khynnah puræ yong ka thaiñ u lait ki u pep skur chiteiñ por neibhah boon na ki toh kiwa dooh wa rangli wei ym yoh poisa ka bei wa u pa ki wow phah skur ya ki cha baar.
Kamtæ ka seiñ da e ko yei kyrchaan wa pura ya ka JSM wei da kyntu ko ya ki paidbah ka District wow wan yachim bynta ki ha kani ka yalang ka seiñ.
Heijooh i por ka seiñ da kyntu joor ko leh ya ka sorkar u Mukul Sangma wow ap wei wow pynbiang yeiwa angnood ki paidbah kani ka District.
Kani toh katkam ka khubor wa pyllait lyngba u Namphrangmi L Talang, General Secretary seiñ SBYWA , East Jaiñtia Hills.
Discussion about this post