Ha ka yalang wa da pynman ha ka 22 tarik uni u bnai ha chnong Iooksi Kyanmynsar Thlongmoo wa da pynlai da u Leonard Rabon uwa man leh u waheh chnong, neiliang kiwa chong chnong waroh da yatylli ki da iwi i sur iwi i yumut wow kyrchaan pura ya u kyrtong ka NPP na 13-Saphai Constituency utæ u Remdorkupar Lyngdoh ha kani ka Election MDC 2025.
Ha kani ka yalang da emlang leh u Deputy Chief Minister ka jylla, u Sniawbhalang Dhar, uwa da dap dei sñiawngooh wa khroo ya ka chnong Kyanmynsar hawa yoh u yoo ya ka khubor wa ka chnong hi da yatylli ko wow kyrchaan ya u Remdorkupar Lyngdoh uwa man u kyrtong ka NPP ha kani ka Election MDC 2025.
U Sniawbhalang Dhar da ong u wa kiwi ki chnong toh u stat wei wow bood ki ya kani ka nongmuna ka Kyanmynsar wow jied da u kyrtong uwa emyatoh wa ka sorkar MDA-II neibhah lada jop da kawon kawon ka Party leh daw li thooh ki ya ka sorkar MDA-II hi.
Da ong u leh wa lada u Remdorkupar Lyngdoh jop u, pynyoo wa ka Kyanmasar ym toh du u MDC yoh ki, wot u Sniawbhalang Dhar leh u man u kam u MLA wa pura ka chnong Kyanmynsar, wei da pynkynmoo u leh wa ha kini ki sngi boon kiwa pynbaad wa wan pynbiej Election hi-eh, tangwa ym kynmoo ki ka sarok Iooksi-Saphai kawa dang dep chna ha kini ki por wa dadep toh wa chna da ka sorkar MDA-II.
Da pynkut u yei klam deiwa ong, “I sih rap smat ki u poor katwa iwa bha won rap tlot i”.
Discussion about this post