Shillong: U MDC ka Langrin uwa man leh uwa yahkhmat ka liang pyrchah ha KHADC, u Manstudy Nongrem da chim u ya ka rai wow kyrchaan ya u kyrtong ka UDP na Ranikor, u Pius Marwein.
Wow pynsakhiat ya ini i lai kyrchaan ya oo, ynne ka sngi u Nongrem da lai pyntikna u yeini hakhmat u President ka UDP, u Dr. Donkupar Roy.
Hawa yaklam wa kiwa pathai khubor, u Nongrem u da ong u wa hadien wa da rai wow lai noh cha ka HSPDP wei neidaw wa ka UDP wa ka HSPDP krehlang ki ha kani ka kynti kamtæ da rai u wow kyrchaan noh ya u kyrtong ka UDP na Ranikor.
Da ong u wa kani ka kynti da toh i por wow elaad noh ya ki seiñ ri-loom wow chna ya ka sorkar.
U Nongrem uwa da mih noh na ka Congress da ong u wa dang man hi u kam uwa yahkhmat ya ka liang pyrchah hapoh KHADC neibhah wa ka UDP wa ka HSPDP leh em ki ha ka jooh hi ka liang, heiwa da ong u leh wa mih u na ka Congress toh neidaw samen yong oo hi.
Discussion about this post