15 49.0138 8.38624 1 0 4000 1 https://wyrta.com 300 0
Advertisement ad1

Kyrmen ka UDP wow chna sorkar ha u 2018

0 Comments
Advertisement ad1
Advertisement ad1
Advertisement ad1

Jowai: Ka seiñ United Democratic Party (UDP) da pynsñiaw ko wa ka kyrmen skem ko wa daw yoh ko u chna sorkar hapoh ka jylla ha u 2018 hadien 20 snem nadooh wa synchaar ko ha u snem 1998. Ya ini da pynsñiaw ko ha ka yalang paidbah wa man ynnin ka 15 tarik ha Khliehriat West, East Jaiñtia Hills District heiwa da em u State President ka seiñ u Dr. Donkupar Roy, u Working President u Bindo M Lanong, u General Secretary u Jemino Mawthoh, u Moonlight Pariat u President ka Jaiñtia Hills wa kiwi kiwi.

Da pynsñiaw ka seiñ yeini hadien wa yoo ko wa ki paidbah ym em de u chaniah ki ya ka sorkar Congress hapoh ka jylla wei kamjooh leh cha kiwi ki jylla heiwa da synchaar embor ko wei wa da joor ware i baamtooh kani ka sorkar.

U Moonlight Pariat da ong u wa hapoh i synchaar ka congress ka jylla Meghalaya ka sorkar da dap ram ko hadooh kattæ kattæ wat cha ki bank tangwa i leh pahooh won u Mukul Sangma hadooh wa da yootieñ, da ong u leh wa i baamtooh ya ka poisa ki paidbah da ktah ko liang wanang ya ki paidbah katwa kamtæ emkaam u pyrkhat deimiat næ wymhoi de u elaad ya kani ka Congress wei da emkaam u pynkhai im biang ya ka UDP yow ye ko u pait u yoo yeiwa emkaam ki paidbah.

“Ya kani ka Jylla da shynchaar da ka Congress la 4 sien wei da yoo wa du ha kini ki 4 snem hadooh katwon da chah ktah ka jylla heiwa da ban ka dooh, i eh i khoo wa ha rukom wei boon ki paidbah da kyntait ki ya kani ka seiñ hapoh ka jylla wei yeini da sakhi ym du hapoh ka jylla tangwa ha kylleiñ ka ri kamjooh kiwa da kyntait ya ka Congress, hawa kamtæ daw pdiang chooh i mo ya ka seiñ Congress ha u snem 2018?” da kylli u Jemino Mawthoh State Secretary ka UDP.

U Bindo M Lanong da ong u wa ka jylla da hiar dor hapoh i synchaar ka Congress neidaw wa joor du i baamtooh, wei toh na ini i daw wa chah kyntait ko ha kiwa boon ki jylla wei wot hadooh ha jylla Utter Pradesh ka jylla wa da saiñdur yaka party Congress leh da chah pynrem ko ha ka Election wa da dep.

U Dr. Donkupar Roy da pynkynmoo u wa ha u snem 1998 heipor wa synchaar ka UDP da yoh hadooh 7 ngut kiwa mihkhmat na ri-loom Jaiñtia wei hadien wa da hiar ka seiñ da chemdien wa da em kiwa pynsñiawthooh bakla ya ki paidbah tangwa ha kani ka kynti yooluti wei kyrmen skem u wa daw ku biang ka seiñ ha u 2018 neidaw wa da ngiah ki paidbah ya ka Congress.

Kiwi kiwa da klam ha kani ka sngi toh u Mihsalan Suchiang, u Micheal Sayoo, u Draison Kharshiing, u Kyrmen Shylla wa kiwi kiwi ki dkhot ka East Jaiñtia Hills.

Ha kani ka sngi neiliang u President ka seiñ hapoh Jaiñtia Hills u Moonlight Pariat da pynthymme u leh ya kiwa kitkaam ka seiñ kiwa kynthup ya u:

Fineliness Bareh-President

Drowel Lapasam-Vice President

Welcome Dkhar-Chief Adviser

Kor Sympli-Advicer

Radius Lapasam- General Secretary

Wilson Tariang- Assistant Secretary

Skem Rymbai- Treasurer

Advertisement ad1

0 Comments

Leave a Reply