U Montri Rangbah ka jylla, u Conrad K Sangma wa ka Montri ka chnat i rep i riang, ka Ampareen Lyngdoh ynne da lai pait ki ya ka thaw pynmih symbe syllah ha Bio Resource Development Centre (BRDC), Upper Shillong.
Kani ka kreh wa tip kam ka “Seed Secure Meghalaya: Establishment of low cost formal and informal potato seed production system to enhance food security and income generation” toh ka thong ka sorkar wow pynku ya i pynmih syllah wa i rep syllah ha ka jylla.
Ya kani ka Project da pynkrehkaam da ka International Potato Centre (CIP) chirup wa ka Meghalaya Basin Management Authority, ka chnat Horticulture waka Central Potato Research Institute, Shimla.
Ha BRDC, ki sahep da batai ki hajrong ka Apical Rooted Cutting (ARC) hei rukom pynmih syllah lyngba ka Tissue Culture Plantlets.
U Conrad da ong u wa i rep katkam ka juk wa katni da wanrah khnang wow pyntikna wa ye u pynmih chiboon u syllah wei da uwa miat wa bha. Da ong u wa ka sorkar kreh ko wa ki warep wow pynyoo ya ki i yaphær hapyrdi i rep yongrim wa i rep wa katni.
Da ong u wa kani ka Project da man ko kawa jop wei daw rah ya ka cha kiwi ki thaw khnang wow ye u pynmih chiboon u syllah wei wow yarap pynku ya ka lap ki warep.
Da kyrmen skem u wa deiwa pynemkaam ya kani ka stat daw ye u pynboon yei pynmih syllah ha ka jylla waroh kawi wei ha ki snem wow wan daw ye u chalan ya u syllah wot cha kiwi ki jylla ka thaaiñ mihsngi.
Ha kani ka sngi da lai u leh cha Kyrdemkhla Integrated Village Cooperative Society (IVCS), Upper Shillong wei da yaklam u wa ki warep kiwa da pynemkaam ya ini i stat.
Hapoh kani ka Project, 150 ngut ki warep da yoh ki ya ki symbe Kufri Jyoti wa Himalini, da em leh 500 ngut ki warep kiwa da chah hikai ha kani ka stat rep wa thymme wei kammon u booh u pynlang ya ki syllah, ar tylli ki Tissue Culture Lab kiwa ye u pynmih 1 lak tylli ki Tissue Culture Plant ki wow man kam ki symbe wei da sorjamin leh ya i thaw wa heh 15146 Hectare neibynta u rep syllah deiwa pynemkaam ya ka GIS Mapping.
