U montri rangbahdooh ka ri, u Narendra Modi ynne ka sngi da e khublei u ya waroh ki khloor yalehke Sports ka ri ha ka National Sports Day deiwa kynmo warom ya u khloor yalehke Hockey ka ri, u Major Dhyan Chand.
Da ong u wa ka National Sports Day toh ka sngi wow lehkmen ya ki kaam wa da leh ki khloor yalehke Sports ka ri kiwa da pynman ya ka wow sarong ko wa em kam kini ki bru hapoh India.
Chooh chooh da ong u wa ka National Sports Day toh wow kynmoo warom ya u Major Dhyan Chand, uwa da pnah bha ha ka yalehke Hockey.
Heijooh i por da yaroh u ya kiwa hayung hasem, ki Coach wa kiwi kiwi kiwa da kyrchaan ya kiwa yalehke sports.
U Modi da ong u leh wa ka sorkar India yaleh ko katwa ye wow pynku ya ki yalehke Sports wei wow kyrchaan ya kiwa em sap hapoh ka ri deiwa kyntu ya waroh wow e mynsien ya kiwa em sap ha i yalehke Sports.
