Kyrpaad ka AJC&SA na ka sorkar wow pynlait noh smat ya ka Bill JJM

Ka seiñ ki Contractor na Ri-loom Jaiñtia wa tip kam ka All Jaiñtia Contractor and Supplier Association (AJC&SA) ynne da pynman ko ya ka yalang General Meeting ha Yung Krehkaam ka Kur Phawa Siangshai wa em ha Ialong.

Hadien ka yalang hawa yaklam wa kiwa thoh khubor, u President ka seiñ, u Welcome Langi da ong u wa ha ka yalang da yaklam chiboon ki kaam wa yatoh wa i bhalang kiwa kreh Contractor.

Da ong u wa ka Bill yong ka JJM da man ko kawa da sahteiñ da boon tylli ki snem heiwa ka sorkar leh ym em de u su ko wei dang ini wadep ka sorkar da yoh ko Rs. 336 klur tam wei da yooluti wow su noh ka sorkar ya kani ka poisa tangwa ymhun kammon i rukom su ya ka kamtæ daw hap yachem ki wa u Chief Engineer wow pyrkhat yeini i kaam.

Related posts

Du hapoh 8 kynta na Guwahati cha Delhi deiwa mynjur ka sorkar ya ka luti rel ka Bullet Train

November 1, 2026

Phooh phieñ i pynkut lehkmen dap 100 snem ka St. Mary Mazzarello Girls HS School Jowai

November 1, 2026

Chooh chooh da ong u wa ym em u che ki Contractor heiyatoh wa ka Clearance Certificate ka Sales Tax heiwa daw thoh cha ka sorkar wow pynche heiyatoh wa kani.

Kamtæ ka seiñ da kyrpaad ko ya ka sorkar wow pynlait smat noh ya ka Bill wa sah yong ka JJM lym kamtæ daw pyrkhat noh ka seiñ da kiwi ki luti.