Ka HITO Jowai Circle ynne ka sngi da lai e dorkhat ko ha ka yung krehkaam u SP ka West Jaiñtia Hills deiwa yachem wa u Additional SP heiyatoh wa i yap u khynnah wa lai skur ha North Liberty Higher Secondary School Jowai.
Ka seiñ hapoh i yahkhmat u President, u Deibormi Siangbood da ong ko wa ka seiñ hi dap ko dei diaw heiyatoh wa ini i jia.
Kamtæ da kyrpaad ko ya ki bor ka aiñ wow chimkhia wei wow thooh tre kammon uni u khynnah poi u hadooh uni u pood wow yap.
Heijooh i por ka señ da kylli bniah ko leh heiyatoh wa i ku ki kaam chah tynyap yong ki khynnah hapoh ki District kamjooh hapoh ka jylla iwa da jia man-i-por iwa da booh ya ka imlang sahlang wow chong syir ki.
Ka seiñ da klam ko leh heiyatoh wa i joor i pynemkaam drugs neibhah ini booh i hei maa ya ka imlang sahlang.
Discussion about this post