Ka seiñ Hynñiewtrep National Youth Front (HNYF) – Sanaro Unit ynne ka sngi da e dorkhat ko ya u Assistant Executive Engineer ka Meghalaya Electricity Corporation Ltd (MeECL) Khliehtyrchi Sub-division, u S. Chyrmang wow kyrpaad yow kær ya u Transformer wa em ha ka chnong Sanaro, West Jaiñtia Hills.
Ka seiñ da ong ko wa neidaw wa uni u Transformer em u hajan ka Sanaro SSA LP School kawa em palat 130 ngut ki khynnah wei wa em u hajan ki yung bru da booh u hei maa ya kiwa chong chnong khamtam ki khynnah.
Hajrong ini ka seiñ da chimkti ko wow leh yeiwa emkaam khnang wow lait na iwon iwon i jia wa sñiawsih.
Neiliang u president ka seiñ, Rejai Talang da ong u wa neiliang uni u sahep ka MeECL da paan u yei yakrehlang wa ka seiñ wow kær chwa chipor (Temporary) ya uni u Transformer wei wow kær won deiwa paka hadien wa yoh poisa ka chnat neibynta ini i kaam.
