U MLA ka KHNAM na North Shillong, u Adelbert Nongrum da pynbna paidbah u wow mih noh u na ka seiñ Khun Hynniewtrep National Awakening Movement (KHNAM) kawa da jop u kam u MDC wei kam u MLA ha u snem 2018.
Hawa yaklam wa kiwa pathai khubor, da ong u wa da em u wa ka KHNAM nadooh wa sdang hapyrdi i eh wa khor, wei da neh bait u wa ka tangwa ha kani ka kynti ymye de u wow yakhun ya ka Election MLA 2023 na kani ka party.
Hawa kylli ya ka party wa u thmu u wow psiah thymme, u MLA da ong u wa man uwa smat wow psiah cha kawon kawon ka party deiwa chim lang ya ka yurim wa yieñ u, da ong u wa ka Party man ko du kam ka ‘Uniform’, tangwa ha ka Election won emkaam ar tylli ki bynta, ka poisa wa ka yurim.
Heiyatoh wa mih ki kyntien wa yakhun u na ka Congress, khamtam wa ka Congress hadooh katni ympu pynbna ko ya u kyrtong na North Shillong, u Adelbert da ong u wa ki bru ye ki wow klam boonjait, tangwa hanla man da ka BJP leh lada biang ka yurim man u uwa smat wow psiah cha ka tangwa ya katni ympu kwah u wow klam deiwa che ya ka party, wei ym slem de ki paidbah daw tip ki.
