Ka Jaiñtia Students’ Movement (JSM), Western Region, da yachem wei da e ko da ka dorkhat lyngba u Deputy Commissioner, West Jaiñtia Hills District, wow kyrpaad ya ka sorkar lyngba ka PWD neibynta wow chna pynmiat yei sih u sarok ka Jowai Bypass Road wa ka Amlarem–Padu Road.
Ka seiñ da pynsñiaw ko yei sñiawkhia wa khroo hajrong i sih yong kini ki sarok, khamtam hadooh wa mih boon ki thlu wei i sih kitai ki sarok da booh i hei maa ya kiwa boon khamtam ki khynnah skur.
Ha i por wa e ya ka Dorkhat, u Deputy Commissioner da e u yei kular wa ka District Administration daw leh ko katwa ye wow pyntikna wa ki sarok daw pynbha ya ki neibynta i miat i bha ki paidbah.
Ka dorkhat da pynkynmoo ko leh ya ka hukum wa pynmih ha ka 3 tarik u March 2023 da ka Meghalaya High Court ha ka mukotduma u Kynjaimon Amse Vs. National Highways Authority of India & Others, PIL No. 11 of 2022, hajrong i long man yong ka Jowai Bypass kawa jrong 7.997 KM.
Ka JSM da kyrpaad ko wow chna pynmiat noh ya kitai ki sarok kiwa man leh ki sarok wa emkaam bha ha ka thaaiñ.
Discussion about this post