Jowai : Ka Jaiñtia Students’ Union (JSU) seiñ bei da pynsñiaw ko yei khia mynsien wow yoo yei khynñia i yieñ laiñ ki bru heipor wa li sai kamjooh wow kylliang poisa.
Ka JSU leh da ong ko wa da sakhi ko wa da mih i kajai ha pyrdi kiwa yieñ laiñ hadooh wa poi cha i mynsoo.
Kamtæ hajrong ini i chem chitom ki paidbah hadooh wa haap ki u yieñ laiñ hadooh wym yoh por u lai mihlait wei lada mih na i thaw yieñ ki da em kiwi wa wan chim yei thaw yong ki.
Ka JSU da kyntu ko ya ki Bank yow pynemkaam noh da ki Token Number ki wow e cha ki paidbah wa sai poisa kamjooh leh kiwa wan kylliang wa kiwa thap poisa. Lada pynemkaam da ki Token ym emkaam de ya ki paidbah wow yieñ laiñ ki da ki boon kynta.
Da kyrpaad leh ya ki bank wow pynemkaam da ki tanghæng heipor wa pynbna ya ki Token Number yow sñiaw ki paidbah kiwa em cha lait ka bank.
Discussion about this post